Kocha wa yanga apatwa na msiba Zambia

Kocha mkuu wa Klabu ya Yanga, George Lwandamina anatarajiwa kuondoka leo usiku kurejea kwao Zambia kufuatia.

 Kocha huyo wa Mabingwa wa tetezi wa Ligi Kuu Bara Lwandamina amesema kwamba amepata msiba nyumbani na analazimika kuondoka mara moja.

Lwandamima amesema kwamba anatarajia kurejea nchini Jumanne wiki ijayo kuendelea na maandalizi ya mchezo ujao wa Ligi Kuu ya Vodacom Tanzania Bara.

Jumamosi Yanga ililazimishwa sare ya ya 0-0 na wenyeji, Singida United Uwanja wa Namfua mkoani Singida katika mchezo wa Ligi Kuu.

Sare hiyo ya pili mfululizo baada ya Jumamosi iliyopita pia kutoka 1-1 na mahasimu wao wa jadi, Simba inaifanya Yanga ifikishe pointi 17 baada ya kucheza mechi tisa, wakati Singida inafikisha pointi 14 baada ya mechi tisa pia.

Mabingwa hao watetezi, watateremka tena uwanjani Novemba 19 kumenyana na Mbeya City Uwanja wa Uhuru mjini Dar es Salaam.