Madiwani watakiwa kuwaelimisha wananchi

Madiwani wa wilaya ya Kibondo mkoani Kigoma wametakiwa kutumia fursa zilizopo wilayani humo ili kuihamasisha jamii kujenga vituo vya afya.

Rai hiyo imetolewa na mkuu wa wilaya ya Kibondo, Luis Bura wakati akizungumza katika kikao cha baraza la madiwani ambapo amesema sera ya afya ya mwaka 2007 inahimiza upatikanaji bora wa huduma za afya karibu na makazi ya watu.

Amesisitiza kuwepo kwa vituo vya afya vinawawezesha wananchi kupata huduma za matibabu kwa urahisi.

Hata hivyo, kwaupande wake Mkurugenzi Mtendaji wa halmashauri  ya wilaya ya Kibondo, Juma Nyewele amezitaka idara zote kusimamia fedha za miradi ya maendeleo ili zitumike kama ilivyokusudiwa.